Is é an t-oideachas bunchloch ár dtodhchaí. Tá rochtain shábháilte ar scoil ríthábhachtach i ngeall go dtugann sé tuiscint do pháistí ar ghnáthshaol agus go bhfuil sé riachtanach dá leas agus dá dtodhchaí. Meastar go bhfuil tionchar ag ionsaí gan údar na Rúise ar 5.7 milliún páiste in aois scoile san Úcráin, agus go ndearnadh damáiste do na mílte scoileanna agus áiseanna.
Feachtas dlúthpháirtíochta chun busanna a bhronnadh
Tá an Coimisiún ag iarraidh ar eintitis phoiblí agus phríobháideacha san Aontas agus níos faide i gcéin teacht le chéile agus dlúthpháirtíocht a léiriú trí bhusanna a bhronnadh sna míonna amach romhainn, ar busanna iad atá riachtanach chun páistí na hÚcráine a thabhairt ar ais go dtí a scoileanna go sábháilte.
Is féidir le deontóirí féideartha é sin a dhéanamh trí Shásra an Aontais um Chosaint Shibhialta (UCPM), sásra ar baineadh úsáid chriticiúil as cheana féin chun tacaíocht ríthábhachtach a chur ar fáil don Úcráin agus dá muintir, dídean, bia, trealamh ospidéil, otharchairr, innill dóiteáin agus go leor eile ina measc.
“Tá busanna scoile ag teastáil ó pháistí na hÚcráine. Tá €14 mhilliún á bhronnadh ag an Eoraip anois chuige sin. Agus tá níos mó ag teastáil. Is é sin an fáth a bhfuil feachtas dlúthpháirtíochta á eagrú ag an gCoimisiún Eorpach chun busanna scoile a bhronnadh ar an Úcráin go luath in 2023. I dteannta a chéile, is féidir linn cabhrú le páistí na hÚcráin – todhchaí na hÚcráine.”
Ursula von der Leyen, Uachtarán an Choimisiúin Eorpaigh
Conas busanna a dheonú
Más eintiteas poiblí nó cuideachta phríobháideach thú atá lonnaithe san Aontas agus más mian leat busanna a bhronnadh, iarrtar ort na ceisteanna coitianta thíos a léamh go cúramach ar dtús. Féadfaidh tú freisin dul i dteagmháil le hIonadaíocht an Choimisiún Eorpaigh sa tír agus beidh siad in ann tuilleadh eolais a chur ar fáil duit faoin bhfeachtas.
Má tá tú réidh chun busanna a thairiscint ba chóir duit sonraí do thairisceana a ullmhú tríd an doiciméad thíos Sonraíochtaí teicniúla le haghaidh tairiscintí busanna a líonadh isteach agus a sheoladh chuig: EU-BUSES-UKRAINE@ec.europa.eu. Léigh go cúramach an táb Mínithe sa chomhad Excel.
Le haghaidh ceisteanna breise, tá foireann tiomnaithe ann chun cabhrú leat ag an Lárionad Comhordúcháin Práinnfhreagartha (ERCC) sa Choimisiún Eorpach. Is féidir leat teagmháil a dhéanamh leis an bhfoireann trí ríomhphost ag EU-BUSES-UKRAINE@ec.europa.eu.
- Íoslódáilбългарски
- Íoslódáilespañol
- Íoslódáilčeština
- Íoslódáildansk
- ÍoslódáilDeutsch
- Íoslódáileesti
- Íoslódáilελληνικά
- ÍoslódáilEnglish
- Íoslódáilfrançais
- Íoslódáilhrvatski
- Íoslódáilitaliano
- Íoslódáillatviešu
- Íoslódáillietuvių
- Íoslódáilmagyar
- ÍoslódáilMalti
- ÍoslódáilNederlands
- Íoslódáilpolski
- Íoslódáilportuguês
- Íoslódáilromână
- Íoslódáilslovenčina
- Íoslódáilslovenščina
- Íoslódáilsuomi
- Íoslódáilsvenska
- Íoslódáilyкраїнська
An méid a bronnadh go dtí seo
Ar an iomlán, tá breis agus 300 bus ar an mbealach ón Aontas agus ó na Ballstáit cheana féin, lena n-áirítear tabhartais ó údaráis, ó chathracha, ó réigiúin agus ó eagraíochtaí iompair i 11 Bhallstát.
Tacaíocht leanúnach ón Aontas
Tá an Eoraip ag tacú leis an Úcráin ó thús ionsaí gan údar na Rúise. D’oscail muintir na hEorpa a gcroíthe agus a ndoirse do bhreis ag 8 milliún Úcránach a theith ó bhuamaí Putin, breis agus 4 mhilliún Úcránach ina measc a d’iarr cosaint shealadach i mBallstáit an Aontais. Chuir scoileanna na hEorpa fáilte roimh na céadta mílte páistí Úcránach. In ainneoin an scriosta agus na n-íobairtí, tá muintir na hÚcráine ag féachaint chun cinn le muinín agus le dóchas. Agus tosaíonn an todhchaí sin le cinnte a dhéanamh de go bhfuil scoileanna ar oscailt agus gur féidir le páistí iad a rochtain.
Ina haitheasc ar Staid an Aontais, d’fhógair Uachtarán an Choimisiúin Eorpaigh, Ursula von der Leyen, tionscnamh comhpháirteach in éineacht le Céadbhean na hÚcráine, Olena Zelenska, maidir le hathshlánú scoileanna de chuid na hÚcráine a ndearnadh damáiste dóibh. I mí na Nollag 2022 shínigh an Coimisiún agus Rialtas na hÚcráine pacáiste tacaíochta €100 milliún chun na críche sin. Bainfidh an tacaíocht an Úcráin amach trí chomhpháirtithe daonnúla an Aontais agus cuid eile mar thacaíocht bhuiséadach do Rialtas na hÚcráine.
Ag an am céanna, in éineacht le hAireacht Chlaochlaithe Dhigitigh na hÚcráine agus DIGITALEUROPE, eagraíocht Eorpach a dhéanann ionadaíocht ar thionscal na teicneolaíochta digití, d’eagraigh an Coimisiún tionscnamh dar teideal Ríomhairí glúine don Úcráin. Is é an aidhm atá ann ríomhairí glúine, fóin chliste agus táibléid a bhailiú agus a sheachadadh agus freagairt ar riachtanais bhunúsacha na scoileanna, na n-ospidéal agus na riarachán poiblí sna réigiúin chogaidh is mó atá buailte san Úcráin.