Oġġetti, servizzi bi skop militari u ċivili (“oġġetti u servizzi b’użu doppju”)
L-UE saħħet u estendiet il-kontrolli tal-esportazzjoni fuq oġġetti b’użu doppju biex timmira setturi sensittivi fil-kumpless militari industrijali tar-Russja, u llimitat l-aċċess tar-Russja għal teknoloġija avvanzata kruċjali.
- droni u software għad-droni
- software għall-apparati ta’ kriptaġġ
- semikondutturi u elettronika avvanzata
- magni għad-droni
- sustanzi kimiċi li jistgħu jintużaw għal armi kimiċi
- oġġetti għall-infurzar tal-liġi
- materjali speċjali u makkinarju industrijali
- tagħmir tal-camouflage u aġenti għall-kontroll tal-irvellijiet
- elementi terrestri rari
- termostati
- kameras termografiċi
- makkinarji għodda
- partijiet tal-makkinarju
- Muturi u servomuturi DC għal vetturi tal-ajru mingħajr ekwipaġġ (UAVs)
- komponenti elettroniċi identifikati fis-sistemi tal-armi (ħelikopters, missili, droni, u vetturi bir-roti)
L-UE estendiet ukoll il-lista ta’ entitajiet sanzjonati li għalihom japplikaw restrizzjonijiet aktar stretti, inklużi kumpaniji attivi f’oqsma militari u ta’ difiża, li qed jappoġġjaw b’mod loġistiku u materjali l-invażjoni.
Il-projobizzjoni ta’ esportazzjoni eżistenti issa tkopri wkoll il-fjuwil tal-jets u tal-addittivi tal-fjuwil li jistgħu jintużaw mill-armata Russa.
Huma pprojbiti wkoll oġġetti b’teknoloġija aktar baxxa użati mill-militar bħal droni tal-logħob/passatempi, apparati kumplessi ta’ ġeneraturi, laptops, kameras u lentijiet, apparat għall-għajnuna tan-navigazzjoni bir-radju u apparat għat-trażmissjoni jew ir-riċezzjoni ta’ vuċi, immaġni jew data.
FATTI
Is-sanzjonijiet jolqtu l-aċċess tar-Russja għal teknoloġiji importanti lil hinn minn prodotti u teknoloġiji b’użu doppju u matul iż-żmien se jbaxxu l-kapaċitajiet teknoloġiċi tagħhom.
Dawn se jwaqqfu l-finanzjament pubbliku jew l-assistenza finanzjarja għall-kummerċ mar-Russja jew l-appoġġ għall-investiment fiha, inkluż l-appoġġ nazzjonali għall-esportazzjoni.