Skip to main content
Logo tal-Kummissjoni Ewropea
Solidarjetà tal-UE mal-Ukrajna

Ngħinu lill-Ukreni: kif tista’ tagħti donazzjoni u tinvolvi ruħek

L-UE tappoġġja lill-Ukrajna

Din l-informazzjoni hi disponibbli wkoll: bl-Ukren | українська | bir-Russu | русский

Kif tista' tgħin

Kulħadd irid jagħmel il-parti tiegħu biex jappoġġja lin-nies li ġew imġiegħla jaħarbu mill-Ukrajna minħabba l-invażjoni jew li baqgħu fl-Ukrajna u li jeħtieġu l-għajnuna.

Tista’ tgħin billi tagħti donazzjoni lill-għadd kbir ta’ organizzazzjonijiet li mmobilizzaw fl-Istati Membri tal-UE biex jappoġġjaw in-nies tal-Ukrajna li qed ifittxu protezzjoni fl-UE. Dawn jinkludu l-fergħat nazzjonali ta’ aġenziji internazzjonali, organizzazzjonijiet umbrella u firxa ta’ korpi karitatevoli u umanitarji oħra. Ikklikkja pajjiżek biex tara liema organizzazzjoni tista’ tagħti:

Tista’ wkoll tappoġġja lin-nies fl-Ukrajna. Skopri aktar dwar kif tagħti donazzjoni permezz tas-sit web uffiċjali tal-Gvern Ukren dwar l-għajnuna umanitarja. Tista’ wkoll tagħti donazzjoni permezz tal-organizzazzjonijiet ewlenin ta’ għajnuna attivi fuq il-post u li qed jikkoordinaw l-assistenza lill-Ukrajna. Żur is-siti web tagħhom biex issir taf kif hawn taħt:

Dawn huma listi indikattivi u mhux eżawrjenti. Aktar organizzazzjonijiet jistgħu jkunu attivi fir-reġjuni tiegħek, jekk jogħġbok iċċekkja mal-awtoritajiet lokali tiegħek għal aktar informazzjoni.

Donazzjonijiet mis-settur privat

Il-Kummissjoni Ewropea ħolqot sistema ġdida biex tidderieġi donazzjonijiet in natura mis-settur privat lejn l-Ukrajna, il-Moldova u l-pajjiżi tal-UE fir-reġjun. Permezz tal-Mekkaniżmu tal-Unjoni għall-Protezzjoni Ċivili, l-UE se tikkoordina t-twassil f’waqtu u sikur ta’ oġġetti ta’ emerġenza mogħtija bħal mediċini, tagħmir mediku, kontromiżuri kimiċi, bijoloġiċi, radjoloġiċi jew nukleari u oġġetti ta’ kenn. L-entitajiet privati mill-UE kollha li jixtiequ jagħtu d-donazzjoni jistgħu jikkuntattjaw lill-Kummissjoni permezz tal-email: ECHO-private-donations@ec.europa.eu

Kif tagħti donazzjoni

Il-ħarba mill-invazjoni: ilħna Ukreni

Hekk kif il-gwerra fl-Ukrajna qed tkompli tikber, aktar u aktar nies qed jiġu mġiegħla jaħarbu minn djarhom. Skopri xi wħud mill-istejjer ta’ qlubija u reżiljenza tagħhom, hekk kif jitkellmu dwar il-vjaġġi tagħhom u xi wħud mill-esperjenzi diffiċli li kellhom jgħaddu minnhom. 

 

 L-Ewropej jappoġġjaw lin-nies li qed jaħarbu mill-gwerra

Illum, Unjoni ta’ kważi nofs biljun ruħ immobilizzat għall-Ukrajna. L-Ewropej fil-kontinent kollu tagħna qed jipprotestaw u ħafna minnhom offrew għajnuna u fetħu djarhom għan-nies li qed jaħarbu mill-Ukrajna.

Videos ta’ testimonjanza

Ara videos ta’ Ewropej li qed jgħinu lin-nies li qed jaħarbu mill-Ukrajna.

#StandWithUkraine. Ixxerja

Social Media Kit - EU Stands with Ukraine
English
(2.27 MB - ZIP)
Iddawnlowdja